قصيدة (( ودي بك )) لشاعر محمد بن فطيس كامله

[size=18]

ودي بـك وابيـك وابـاك وابـغـاك
جمّعتهـا لرضـاك واختـار فيـهـا

شف ويش منها يتبع احكاك ورضـاك
واللي لك اسقـي مسمعـك لا ضميهـا

غديت (افر)احكـاي واسايـر احكـاك
وانـا تشّـرف لكنـتـي واهتويـهـا

مضمونهـا ودي بشوفتـك واهـواك
ياللي دروب اهل الـردى مـا تجيهـا

صانـك ولـي امـرك وحبـك وداراك
ولاقــدر ردع الحـظـوظ ومجيـهـا

نفسـك مهذبهـا وعـز الله ربّــاك
مايـدري ان جيـش الهيـام يغزيـهـا

الله قسم يبـلاك بـي وانـت يبـلاك
باللي سواتـي فـي العـرب يرتجيهـا

محبة (ن ) ذربه من القلـب تكسـاك
محبـة (ن) صـدق الهـوى يكتسيهـا

يامرك قلبـك بالوفـا لـي وتنهـاك
ناس (ن) على لامـاك تفـرك يديهـا

رزين عقـل ومـن مزايـا مزايـاك
نفسـك تحـب وعفـتـك تمتطيـهـا

تطيع عقل (ن) ما بعـد زل واغـواك
مشاعـرك تعصـاه ..وانـت تعصيهـا

ماشفـت منـك الا عيونـك ويمنـاك
محبـة (ن) راع الـردى مـا يبيـهـا

يقبـض فـوادي لا تخيلـت فرقـاك
ياشف عين (ن) مـا سـواك يعنيهـا

وياعزوة اخوانـك ومطلـب هـذولاك
ناس (ن) محبـة والــدك تدعيـهـا

ناس (ن) تخـدم ابيـك كلـه لعينـاك
وهـو يحسـب ان الله عليـه يهديهـا

ياجعلها تفدى علـى الارض ماطـاك
والله بمـن هــو مثلـهـا يبتليـهـا

لكـن لعـب فـي ياوليفـي تغّـلاك
و نفسي غلاك مـن الصـدود يحديهـا

تبطـي علـي وانـا هنـا واتحـراك
و كبـدي لواهيـب الصبـر تشتويـهـا

واجمّع علومك امـن هنـاك وهنـاك
وو الله لـو انهـا تنشـرى لا اشتريهـا

وعذرك (انا لاهي) يا ويش اللي الهاك
لااهـي ومر(ن)منـت لاهـي تليـهـا

كانك مشكك في الوفا والغـلا هـااك
جوالـي اقـر القائمـه كــل ابيـهـا

رقمك مع (الصادر) ولا (وارد ) اسواك
والناس في اللي ( لـم يـرد عليهـا ).

وايــاك واياني...وايـانـي ايــاك
ومن غيبة (ن) من دون عذر يحميهـا ...

التوقيع

محمد بن فطيس شاعر غني عن التعريف وقصائده تجبرنا على الوقوف أمامها مرارا وتكرارا

قصيدة رائعه من جميع النواحي صورها وأحاسيسها وقوة صياغتها

ومما يزيدها جمالا اختيارك لها عزيزي شموخ رجل

لا هنت يالغالي

كل الشكر والتقدير لك

التوقيع

لا هنت يالغالي

كل الشكر والتقدير لك
وتقبل مرووووووري

التوقيع

الله لا يهينك بقايا حي على المرور الرائع واللميز
متألق اخوي في الطرح والرد

تحياتي لك

التوقيع

لا هنت على المرور الوافي الله يحييك

التوقيع

قصيده رائعه وجميلة
اشكرك شمـــ رجل ــوخ

على الاختيار المميز

واشكرك بقايا حي

على الاضافات الجميلة

تقبل تحياتي

التوقيع

مشاركة رائعة وأختيار مميز لشاعر مميز وكما قال أخوي بقايا حي محمد بن فطيس من الشعراء الذين يصوغون القصيدة بشكل متسلسل وجميل ويعطيك العافية شموخ رجل .

التوقيع