آلصمت له عنـدي معـزّه ومقـدار ..
في زحمة الافواه .. يا مزين الصمت !!


لا صار بعض البوح عند البشـر عـار ..
لو يشتعل جوفـي حشـى مـا تكلّمـت


عبت من قولة : (علامك) و (وش صار )
وان طحت ما ألقى سوى كلمة (سلمت)



واعذار اخلقهـا ولـو مالـي اعـذار
مشّيتها مره .. ومـرات مـا رمـت !!



كذبة صباح الخير/ يـا صبـح الانـوار
عـذري ليـا عـدّت ليالـي ولا نمـت




اسهر طـوال اليـل وضْيوفـي افكـار
واقول لاْصحابي : نعم توّنـي قمـت !!



ما عاد فينـي ألفـت عْيـون واْنظـار
يكفـي بأنـي مـن زمانـي تعلّمـت




ان الصدر بيت/ن .. وسكّانـه اسـرار
نيّـام .. بـس يصحـون لامـن تألّمـت




يصحـون ويناظرهـم الجـار والـمـار
وش عاد ينفع سترهم لو تكتّمـت ؟!!



آقدّم اقدامـي علـى درب الاصـرار
امشـي ولكـن للأسـف مـا تقدّمـت




(النار قدامي .. ومن خلفي النـار !!)
والعمر يمضي بـي وانـا مـا تولّمـت




يا لين ذاك الحلم فـي لحظـه انهـار
وانـا مـع لحظـة سقوطـه تحطّـمـت




اجروحـي اكثار..وتناهيـدي اكثـار
لكن على كثر المواجـع .. تبسّمـت !!



ثم أْلتزمت الصمت وعزومـي اكبـار
ولو يشتعل جوفي حشـى مـا تكلّمـت

آقدّم اقدامـي علـى درب الاصـرار
امشـي ولكـن للأسـف مـا تقدّمـت




(النار قدامي .. ومن خلفي النـار !!)
والعمر يمضي بـي وانـا مـا تولّمـت


صح اللسانك
والله يعطيك العافيه على هالمشاركه الرائعه

شكرا على مرورك ياسيف غامد