&**أسمع أنفاسك**& المشرف العامرقم العضوية : 7عدد المساهمات : 649تاريخ التسجيل : 26/04/2010 موضوع: قلت الوداع وجاوبت دمعة العين الجمعة يونيو 25, 2010 8:22 am قلت الوداع وجاوبـت دمعـة العيـن تجـرح بساتيـن الخـدود النديـه واغضت وشفت بعينهـا الحزن حزنيـن وصاحت على الفرقا انـا مـو قويـه وجاوبتها ارجـوك تكفيـن تكفيـن والله دمعك يشعـل النار فـيّـه وقالـت تعاهدني عـهـاد المحبـيـن الله يخـون اللـي يخـون بخويّـه قلـت ابشري واللـي خلقـك لاتظنيـن حرااااام ماغيرك عشقـت آدمـيـه وقصّت شعرها قلت انـا وش تسويـن قالـت ابـي مـن غرتي لـك هديـه ونادتنـي الغربه علـى الهـم والبيـن احسّـب الأيـااااام روحـه وجيّـه وفي كـل ليله ترتسـم بيـن رمشيـن خيالهابيـن الـرمـوش الشقـيـه غربة سنه فـي ذمتـي غربـة سنيـن متى علـى الله يلتقـي الحـي حيـه خلاص هانت مابقـى غيـر يومـيـن خـلااااااااص قفّت غربـةٍ جرهديـه ورجعت شوقي في خفوقي براكيـن ورجعـت انـا كلـي لها جاذبـيـه وسألت ما ردّوا وانا اصيح هي وين وكلٍ نثر مـن داخـل العيـن مَيّـه وفـي معمعـة حزني تلقيـت رمحيـن قالـوا توفـت غافلتـهـا المنـيـه وفـي غرغرتها ماذكرت غيرحرفيـن تشهـدت بسـمـك شـفـاه البنـيـه وتزاحمـت فـي داخلي ألـف سكـيـن والحزن يطويـنـي ثمانيـن طـيّـه صدمه وجابتنـي على الارض نصفـيـن وشلـون راحـت دون ذنـب وخطيـه تكفون دلـونـي على القبر هالحـيـن مـاعـااااد فيـنـي للصبر مقـدريـه ووقفـت اطالـع قبرها بيـن نصبـيـن وجلست اضـم اغلـى النصايـب عليّـه واصيح وش بك يا غلا مـا ترديـن اشتقـت همس إشفاهك النرجسـيـه وش فيك جيت من السفر مـا تهليـن ماهي بلك عـاده ولا انتـي رديـه وحاولت في لحظة جنون اجـرح الديـن وازيـح تـربـة قبرهـا فـي يـديّـه وبالغصب شالوني حشـا تقـل مسكيـن واصـرخ بهم والله والله حـيّـه اقفت وتاهـت بـي جميع العنـاويـن والحـزن يلعب داخلـي سامـريـه ورجعت لـدروب الشقـا قبـل عاميـن مدري مـن اللـي صـار فينـا ضحيـه اتمنى تنال اعجابكم م ن ق و ل
التوقيع
أبو تركي عضو مميز جداًرقم العضوية : 5عدد المساهمات : 722تاريخ التسجيل : 24/04/2010 موضوع: رد: قلت الوداع وجاوبت دمعة العين السبت يونيو 26, 2010 3:35 pm أخي الغالي أسمع أنفاسك قصيدة رائعة وجميلة وفيها من الأنين والبعد ومفارق الأحباب ما يحرك مشاعر القاريء ولدي إضافة أتمنى أن تتقبلوها وهي قصة هذه القصيدة على حسب الروايات: و هذه هي القصه.. يقال انه شاب كان يحب بنت عمه وهي كانت تحبه كان بينهم حب لدرجة الجنون لكن للأسف اجبرته ظروف الحياةعلى الاغتراب والعمل خارج بلدته التي يعيش فيها وتعيش فيها أسرته وأسرة بنت عمه .. أثناء الوداع وقبل السفر إنهمرت الدموع رغماً عنهما ..... قامت بنت عمه وقصة من شعرها وأعطته أياهـا كي يتذكرها بالغربة . . وقصّت شعرها قلت انـا وش تسويـن قالـت ابـي مـن غرتي لـك هديـه سافر الشاب ومرت الأيام والشهور والسنوات ..لكم ان تتخيلو كيف كان يمر اليوم عليه من شوقة ولهفته الى وطنه وأهله وابنت عمه ..ولماعاد الى البلد كانت المفاجئة عندما سأل عن بنت عمه , وجد في عيون أهله نظرة غريبة ودمعه حائرة . الح عليهم بالسؤال وكانت الصدمة الكبرى لقد توفيت حبيبتك !! وقبل ان تفيض روحها نطقت باسمك’’ فخر الشاب مغشياً عليه من شدة الصدمة ولما افاق قال تلك الابيات . . وتقبلوا مروري
التوقيع
&**أسمع أنفاسك**& المشرف العامرقم العضوية : 7عدد المساهمات : 649تاريخ التسجيل : 26/04/2010 موضوع: رد: قلت الوداع وجاوبت دمعة العين الأحد يونيو 27, 2010 3:09 am كل الشكر لك عزيزي أبو تركي على مرورك الجميل وتعقيبك الرائع اللذي أضاف للقصيدة ونقلها الى واقع المحسوس والمشاهد تقبل تحياتي
التوقيع
سيف غامد نائب المدير العامرقم العضوية : 3عدد المساهمات : 383تاريخ التسجيل : 23/04/2010 موضوع: رد: قلت الوداع وجاوبت دمعة العين الأحد يونيو 27, 2010 5:08 am