هلا وغلا ومليون ترحيبه فيك.تحية راقيه تليق بشخصك الكريم, بكل الحب و الشوق منتدى حيــاتي يفتح ذراعيه ليحتضنك بين جنباته,أهـلاً بمقـدمـك عليـنا ورب صدفــة خيــر من ألـــف ميــعاد,نحييك بورود الجوري والكادي ونتمنى لك طيب المقام هنا,نحن في شغف إلى رؤية إبداع قلمك,ولك أعطر التحايـــــا,,,,,
مـــنـتـديـــــات حــــــياتــــــي
هلا وغلا ومليون ترحيبه فيك.تحية راقيه تليق بشخصك الكريم, بكل الحب و الشوق منتدى حيــاتي يفتح ذراعيه ليحتضنك بين جنباته,أهـلاً بمقـدمـك عليـنا ورب صدفــة خيــر من ألـــف ميــعاد,نحييك بورود الجوري والكادي ونتمنى لك طيب المقام هنا,نحن في شغف إلى رؤية إبداع قلمك,ولك أعطر التحايـــــا,,,,,
مـــنـتـديـــــات حــــــياتــــــي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
رقم العضوية : 12 عدد المساهمات : 80 تاريخ التسجيل : 28/04/2010
موضوع: قصة المتنبي الخميس أبريل 29, 2010 11:25 am
[
center]هذي القصة سلمك الله يقولك كانوا أربعه المتنبي وأمرؤ القيس وجرير والفرزدق راكبين موتر المتنبي ( الميتين L ) وطالعين يتعشون بروستد
طبعا أمرؤ القيس ( شايبهم) كانت قافـله معه لأنه ما يحب طلعات الليل (ما يشوف) وكان يقولهم خلنا نطلب العشا ديلفري و كل شوي يلمح لهم ويقول :
" ألا أيها الليل الطويل ألا انجلي *** بصبح وما الإصباح منك بأمثل "
بس الجحلط جاحدينه لانهم يحبون الدواره في الشوارع عموما المتنبي ما كان يهمّه لان واحد من عليمية الرياض حده وخلاه يرقى دوار الأحساء انقهر المتنبي لدرجة انه التفت على العيال وهو يصارخ :
" من لم يمت بالسيف مات بغيره *** تعددت الأسباب والموت واحد "
بس الفرزدق و جرير ( اللي كانوا راكبين ورى ) ما كانوا فاضين له يعني جرير والفرزدق راكبين جنب بعض أكيد أنواع المخانق بينهم ( أربعه وعشرين ساعه) و ما أنتبهوا لاحد لكن العيال أهجدوا فجـأه ،، أستغــرب المتنبي !! مهيب عادتهم اثاري الملاعين قاعدين يكحلون عيونهم و ياليتهم شافوا شي كل اللي شافوه طرف عباة راكبه جمس ومظلل بعد تهيض جرير ( عاد ذاك مايبي له شيء ) وقــال :
" إن العيون التي في طرفها حـورٍ *** قتـلنـنـا ثم لم يحيين قتــلانا "
وقام يتطلب المتنبي يبيه يلحق الجمس عاد المتنبي يـــــــووووووووه أنواع الغرور في ذاك الآدمي رد عليه: ما بقي إلا هي أنا المتنبي أنا اللي
" الخيل و الليل والبيداء تعرفني *** والسيف والرمح والقرطاس والقلم "
قفلت مع جرير ،، وبغى يتضارب مع المتنبي و لأول مره في التاريخ الشعر العربي أتفـــق جرير و الفرزدق على نقطه معينه بس الفرزدق جابها بأسلوب وقام يقردن المتنبي يبيه يلحقهم و هات يا مدح في المتنبي :
" هذا الذي تعرف البطحاء وطأته *** والبيت يعرفه والحل والحرم "
وصولا إلى :
" ما قال لا قط إلا في تشهده *** لولا التشهد كانت لاؤه نعم "
في الأخير أنتفخ راس المتنبي و قرر يلحقهم وهات يا طردي في الملــز طبعا أمرؤ القيس كان مكبر دماغه من (جهة البنات) بس كان فاك مع الجمس حقهم ( جمس 82 يداعب الريح ) و ما فيه الا غزل في الجمس :
المهم بدأ الجمس يبعد عن العيال و صار جرير يتـتريق على عزم (الميتينl ) ويقول للمتنبي: و مزعجنا وكل شوي تقول :
" على قدر اهل العزم تأتي العزائم *** وتأتي على قدر الكرام المكارم "
و آخرتها طلعت الدعوى بكش قفلت مع المتنبي وقال للفرزدق : والله بعذرك فيه و الله يلوم إللي يلومك يوم أنك تكرّه كل هالسنين وبعدها رده المتنبي بأثنين ويدوووووووووووس وبقدرة قادر صادوا الجمس قرّب المتنبي جنب قزازة الجمس و قال لجرير : يالله يالمتفلت ورنا شطارتك ،،رد جرير : أعتبر الموضوع منتهي و ياحبيبي سحبنا بنات الكلية على وجيههم و بعجــز عن ذولي ؟؟ قام جرير يأشر جنب قزازة الجمس عاد البنات ما صدقوا خبر أول ما أشر جرير فتحوا القزازه وكانت صدمه ما بعدها صدمه !! وش ذا المقاشع وإلا شلة طقاقات أيام 1401
العيال أنصرعوا من هول المفاجأه عاد البنات تحطموا يوم شافوا ردة الفعل و قاموا يذبون على العيال كلام بس جرير كان اكثر واحد متأثر فصار يرد ويقول لهم :
"فغضي الطرف انك شيفة *** فلا باسكال بلغتي و لا ديانا "
(والله هذولي الشيف وإلا بناتنا أزين منهن مية مرة ، الله لا يخلينا) طبعاً الوضع صار مكهرب في (الميتينl) و المتنبي يقول لجرير : شفت يالزلابه وش أنا قايلك مشورتنا على الفاضي و في الأخير طلعت الدعوى تطريش في هالوقت لمح الفرزدق موتر ثاني ( من ذيك المواتر اللي كنها حصاله ) كان يلحق البنات فحب أنه ينبهم عشان ما ياكلون نفس المقلب بس يوم دقـقوا العيال في الموتر الثاني تعرفوا على الشباب اللي فيه قال الفرزدق : و الله أنى قايل موضوع فيه غزل و سربته أكيد أبو نواس بيحضر أول واحد رد جرير : شف أبو نواس ذا المصلحجي جايب معه عنتره عشان لو طلع الموضوع فيه حارش مارش يطلع مزبن نفسه في الجهة الأخرى كان عنتره يتميلح جنب البنات و طالع من الفتحه وهو يقصد :
" و لقد ذكرتك والرماح نواهل *** مني وبيض الهند تقطر من دمي " "فوددت تقبـيل السيوف لأنـها *** لمعت كبارق ثغـرك المتبسـم "
ضاق صدر المتنبي كذا لله في لله و قال للعيال : ياخي والله ما أحد يحقر نفسه حتى ذا الشين قام يغازل وبدون مقدمات فتح المتنبي القزازه و قال لعنتره :
" لا تشترِ العبد الا و العصا معه *** إن العبيد لأنجاس مناكيد "
عنتره سمع المتنبي ولا ما سمعه ويوللللللللللللللع عاد أبو نواس يحب الشـر طنش البنات ولحق العيال حتى قبل ما يقول له عنتره و قام أبو نواس يكبس لهم ويقول : مسوين فيها زعطه و يوم جا الجد انحــشتوا ولا " كلام الليل يمحوه النهار " لكن المتنبي أشر لهم وقال لهم الوعد (التخصصي) في ها اللحظه أبو نواس قال لعنتره : هم أربعه وحنا أثنين ( و المازدا ما تكفينا ) و أحياناً الكثره تغلب الشجاعه قال له عنتره : ما عليك أنا بدق على أنجس واحد في الرياض أول ما يدري أن الموضوع فيه مضاربه بيجيك مدرررررررررعم قال ابو نواس : منهو ? رد عنتره : من غيره السنايدي .. تأبط شرا قال أبــــــــــــــو نواس : عز الله اللي راحوا فيها بس المشكله انهم يوم دقوا على تأبط شرا لقوا جواله مفصول ( عسى ما يسدد تأبط شراً للأتصالات ) صرخ عنتره : افااااااااااااااااا قعدنا بها .!! رد أبو نواس : ولا قعدنا بها ولا شيء ، أصلاً تأبط شرا دايم تاكي في ملحق أبو تمام ، دق عليه هناك دق عنتره على الملحق ورد أبو تمام وقال له عنتره : عندك تأبط شراً قال ابو تمام : أيه ، في الحمام !! قال عنتره طيب ترا الموضوع كيت و كيت بتجون ولا لا ؟؟ قال ابو تمام : افا عليك بس
" السيف أصدق إنباء من الكتب *** في حده الحد بين الجد واللعب "
وسلامتكم
[center[/center]]
&**أسمع أنفاسك**& المشرف العام
رقم العضوية : 7 عدد المساهمات : 649 تاريخ التسجيل : 26/04/2010
موضوع: رد: قصة المتنبي الخميس أبريل 29, 2010 6:50 pm
ياسلام عووودت الاموات....... متاثر بمسلسل تاريخي رعب هههههههههههه الله يعطيك العافيه بقايا بدينا في الهجاء الله يسترهههههههههه ابداعك يملأ المنتدى با اطيب واجمل العطور
أبو تركي عضو مميز جداً
رقم العضوية : 5 عدد المساهمات : 722 تاريخ التسجيل : 24/04/2010
موضوع: رد: قصة المتنبي الجمعة أبريل 30, 2010 1:55 am
سلمت بقايا حي على الموضوع الرائع........ والشعراء الاروع فدمت ...........
.
سيف غامد نائب المدير العام
رقم العضوية : 3 عدد المساهمات : 383 تاريخ التسجيل : 23/04/2010
موضوع: رد: قصة المتنبي الجمعة أبريل 30, 2010 3:02 am
الرئيسية 
