هذا بعض ابداع ( الزعيم ) الشاعر المبدع ( مساعد الرشيدي ) حبيت انقلها لكم وعسى تعجبكم :

تخوفني مشاوير الطريق المظلم المهجور
وأنا لا من ذكرتك قلت طولي يامشاويري
عزاي إنك رجاي العذب لو كل الدروب عثور
وصلت أو ما وصلت أعرفك ما انته منتظر غيري
حبيبي ..وكّل الله.. لاتحسب إني بليد شعور
لو انت المستحيل الصعب .. ما أبدي لك معاذيري
أحبك ..رغم تجريح الليال لقلبي المقهور
أشوف الجرح يكبر و انت تكبر وسط تفكيري
أحبك .. لو يموت الحب وتصير القلوب قبور
أحبك .. كلمة لو حرموها .. حل تفكيري
أحبك .. من هنا حتى طلوع الفجر ..حد النور
صحيح إنك قدر محتوم بس أجمل مقاديري
بعذر اللي يحبك لو يصير الشاعر المشهور
لأنك تنهمر حلو القصايد في تعابيري
أحد ربي يحطك له حبيب ..ومايجيه غرور ؟
و أنا مهما بغيت أستوعبك ياقل تقديري
هلا بك من قدمك ... لغرتك لي شعرك المنثور
هلا في كل شيٍ فيك و انت أغلي مساييري
أثر صدق الغلا يجبر حطام الخاطر المكسور؟؟
و أنا مهما منحتك من غلاي أشعر بتقصيري
ولو طالت مشاوير الطريق المظلم المهجور
أنا لامن ذكرتك قلت..احبك يامشاويري

أسمع أنفاسك

أبو تركي

طوق الياسمين

الوافي

أشكر لكم مروركم لا عدمتكم